برد

Fight with Cudgels, by: Francisco Goya بقلم: أحمد ع. الحضري عقلك كإنه اتنين مع بعض متخانقين وقعوا سوا ع الأرض ووقعت وياهم 9 فبراير 2022

  Target with Four Faces, by: Jasper Johns بقلم: أحمد ع. الحضري   ما فيش وسيلة للتواصل بين الهدف والبندقية إلا الرصاص  ما فيش كلام يمنع خروج الموت من المدفع إلا القصاص ٢٥ يناير ٢٠٢٦

"A Ship in Distress" by the  Ivan Aivazovsky. بقلم: أحمد ع. الحضري كنت يعني وقتها فاكر طشاش عيشة فاكرها وأنا ما عشتهاش كنت واقف في قفص في محكمة إدعاء بيفصل التهمة وينصب مشتمة والجرايم مش فاكرها والأدلة مبهمة والعقاب تاني بيتكرر وأنا ندمان لإني رغم إني مش مهادن أو جبان انهزمت في معركة ما خضتهاش     9 مايو 2026

Wheat Field with Cypresses by Vincent van Gogh, created in 1889. بقلم: أحمد ع. الحضري كانت سما وكان ماشي الكلام بينا بلا تكليف كان الشجن غيمة مطر يهطل من الجنة لودني كنت أنا شجرة غصوني تفرد الضلة وكان جذري عطش ٨ مايو ٢٠٢٦

  By: Angu Walters بقلم: أحمد ع. الحضري سمعتها في الخيال صحيت أناديها لا وعيت حروف الندا ولا معانيها تتبع خطايا أثر  خطاوي ناس قبلي أصوات بتلمع وأنا سكران أروح ليها أسأل  كما سألوا أتيه  كما تاهوا أدعي إله الفرح وأعبد  إله الحزن ألاقي نار الغنا، أرقص حواليها أحط عيني ف عنيا أنتشي بيا أشوف ف قلبي لهب فأرقص حواليا 3 مارس 2026

By: Joan Miro رأيت كل حاجة نسيت كل حاجة  ففجأة لقيتني بقيت كل حاجة ٢٧ ديسمبر ٢٠٢٥

اللوحة ل: نذير الطنبولي   Nazir Tanboulin بقلم: أحمد ع. الحضري زغللة الحروف اتلخبطت واترتبت طول النظر حول الواضح للغز *** كنت بتشوفه من الأوضة بطرف عنيك بعيد بينك وبينه كان مطر وقزاز تتلفت تتلغي بينكو المسافة تكتشف صورتك ف عينه وتكتشف صورته ف عنيك قول كإنك شفت روحك في المراية أو كإنك حد زقك أو وقعت غصت ف الواضح غرقت *** واما فقت جوا عقلك انفتح شباك جديد فانطلق بالصوت لسانك بس ف الآخر كلامك كان قديم *** كنت لحظتها كأنك بغبغان حتى إنك لو قابلت نسختك من قبل عام كان يقولك يا سلام ما احنا عارفين الكلام ده من زمان ١٧ يناير ٢٠٢٦

اللوحة للفنان ماكس إرنست بقلم: أحمد ع. الحضري أنا طُعم ف صنارة من غير فايدة هموت موجوع والصياد الخايب برضه مسيرة يموت م الجوع 14 يناير 2025

اللوحة مخلقة بواسطة جيميناي بقلم: أحمد ع. الحضري متأخر مش فاكر على إيه متوتر مش عارف من إيه تايه بمشي رايح جاي بسأل: إمتى وفين وإزاي.؟ *** ف القلب زكايب مليانة كلام ف الأوضة خيال متنطور زي التلميذ الخايب باستنى لآخر لحظة ثم أكتب كل المتأخر *** في كلام لسة تقيل على القلب وكلام نُص ناسيه وكلام علشان اتعودت عليه محتاج أنساه ثم أفتكره جايز لحظتها أعرف أرد عليه. *** زي التلميذ الخايب لمحوني محنى ع المكتب من غير صوت ما بقوش عارفين: أنا نمت ولا بحاول أكتب بعض المتأخر قبل اليوم ما يموت 22 ديسمبر 2025

The Monkey Antiquarian, by Jean Siméon Chardin in 1740 بقلم: أحمد ع. الحضري وتاني يمتلك قلبي الملل فأهد نولي وأبدأ التجديد سؤال: هل سلمة للروح بتطلعها لفوق ولا انشغالي باللي مش ف الإيد؟ ... وأشك ف روحي ف ثانية فأقول:  ممكن غياب الصبر ف المحنة وع الرحلة و ف التانية أقول ممكن عشان شفت الشروخ  في حيطة الدنيا هنا كان انتقالي من نقيض لنقيض ٣٠ نوفمبر ٢٠٢٥

اللوحة مخلقة بواسطة جيميناي بقلم: أحمد ع. الحضري الشارع واقف الناس واحد واحد بقوا واحد حاسس إن وقوف السكة هوَّ مؤامرة ضد مصالحه الشخصية هو وبس أصواتهم تعلى وتعلى لكن الدوشة دايما واقفة *** الشارع:  مليان فاضي وأنا واقف وسط الناس لو تسأل تلقى ما حدش شافني / ماشفتش حد / ما شفتش حاجة *** الناس حواليك بس انت دماغك كانت سايباك  والناس والشارع ومسافرة  لمكان كنت هتوصل له لولا الزحمة وخناقة *** الشارع واقف الفعل الماضي ماسك ف خناق المستقبل والحاضر واقف قلقان 15 نوفمبر 2025

الصورة مخلقة بواسطة جيميناي بقلم: أحمد ع. الحضري لو ألف مرة اتولدت في كل مرة أختلف في ألف صدفة اتخلقت وف كل مرة أأتلف ... مرة أكون رسام مرة أكون ملاح مرة أكون أستاذ مرة أكون فلاح مرة أكون شحات مرة أكون تاجر ... اوقات أكون طيب أوقات أكون فاجر لكن ف شيء مشترك عمري ما كنت الملك عمري ما أكون مملوك ٢ نوفمبر ٢٠٢٥

Three Card Monte, BY:Max Ginsburg 1979. بقلم: أحمد ع. الحضري حد بدلني وانا نايم بواحد مختلف عني وانا وهوا مخدناش في النهار بالنا وكملنا حياة غيرنا بلا تفكير فانا هوا وهوا صار أنا واحد ورا التاني ورا التالت: أنا الوقت نصاب محترف تلقاه على كل الطرق واقف بيلعب بالورق / بينا يبدلنا بخفة إيده ولسانه يعبينا بصنعة لطف في كمه ويخفينا وألاقي ذكرياتي زي طاقية بتلبسني وتقلعني فأفكر رغم إني بشكل عابر بانتحل كلمة: أنا وقت تأليف القصيدة كنت شاكك إن أنا موجود 15 مارس 2022

Three Card Monte, BY:Max Ginsburg 1979. بقلم: أحمد ع. الحضري كإنك مت وبتعيد الحياة تاني. ... عشر مرات مشيت نفس الطريق ولسة مش فاكر. ... ولكن كل كام خطوة تقف مدهوش وبتشبه على جملة على مشهد على إنسان لأول مرة بتشوفه لكن صاحبك ومش فاكره ومش فاكرك وبتحاول تقول اسمه العلى طرف اللسان موجود ومش موجود. 12 مارس 2022

  اللوحة لفان جوخ بقلم: أحمد ع. الحضري في عيون الناس يبان زي نقطة ثم يكبر ثم يلمع ثمَّ يبهت ثم يبدأ يتمسح زي رسمة بالرصاص فوق الورق 27 يناير 2022

اللوحة لفان جوخ بقلم: أحمد ع. الحضري بتبص بطرف عنيك فتلاقي  إنك  في الشارع  تايه وبتسأل واحد بعد التاني ما تفكرش تشاور ليك ع السكة بتبص من الشباك فتشوف روحك متكرمش على طرف السكة  وتبص من العين السحرية فتلاقي نفسك   بتخبط ع الباب فبتعمل إنك مش موجود ومتفتحش وتطرطق ودنك فتلاقي إنك ف الشغل بتتخانق ويا مديرك أو في الأوضة لوحدك بتعيط فمتهتمش 28 يناير 2022

  Painting by: Edvard Munch, 1893 بقلم: أحمد ع. الحضري محاولة للهروب م السجن: سجن الوقت محاولة للنجاة أو استراحة وحباية مسكن وتحقيق اللي مش ممكن ف عالم بخلقه دلوقت فليه كل أما بتخيل بني آدم بيتحول شيطان وليه بتخيل الشارع بيتحول لحارة سد وليه كل أما برسم بيت تعاكسني الحيطان وليه حتى تفاصيل الخيال ضدي بتتمرد وتجبرني أعافر إذا ما كنت رب الحلم: هذا الحلم فليه حتى الخيال كافر 6 يناير 2022

بابلو بيكاسو بقلم:  أحمد ع. الحضري كإنه واحد رجله مقطوعة جديد فلسة حاسس بالألم كإن نمل فوقها ماشي أو بيمشي تحت جلده كان يئن كإنه حاسس بالعدم ينسى، يقف، يقع فيتعكز يقوم كان الكلام محبوس كان الكلام ميت ما وصلش صوته لحد لكنه في حيرته كان ف انتظار الرد 2 يناير 2022

اللوحة لهشام نوار بقلم:  أحمد ع. الحضري لو منتظر إعجاب بنص ما لقاش مبرر يكتبه أو منتظر الناس تشوف لوحة ف خياله من غير ما يرسمها أو منتظر تعليق على تعليق ما صرحهوش مستني رد الفعل من غير فعل وف إيده كان ماسك قلم ما استخدموش لو مرتبك رغم إن قلبه فيه كلام وعقله فيه يبقى السؤال: إزاي هيقدر يكتب الحلم ف CV؟ 31 ديسمبر 2021

اللوحة لسمير رافع بقلم: أحمد ع. الحضري الناس قاعدين ماشيين جنبيه بس عيونهم مش شايفاه  على طرف المشهد  كان جوا العالم والعالم جواه  وكأنه البحر/ الرمل/ الصدف / الضل / النور فما كانش يشوفه غير إنسان زيه مسحور كان واحد ويا البحر الصنارة كلام  والسمك الرد ولإن الود ليلتها كان موصول بينه وبينه رد البحر سلام بسلام سمكة ف سمكة  كان الضوء اتركز ع الصياد  والناس القاعدة بدأت تهتم  اتحمس فجأة الصياد للدور أصبح بطل المشهد  والباقي كان جمهور  الناس تتحمس وتصقف مع كل غنيمة بتظهر  الهامش أصبح مركز  والصياد اصطاد النشوة مع أكل يومين  في اليوم التاني  الصياد والبحر اتنين  إنسان عادي زي  بقيت الناس  جواه قاعد واحد زيه بيتلفت بين الناس والبحر  حواليه عشرين صنارة غريبة  بتهمهم أول مرة تشوف المية والبحر ما بيفهشي إلا لغة البحر  البحر ما بيتكلمش لغات  الصنارة ف إيد الصياد كانت بتهته  نص كلام البحر ونص كلام الناس  ف البحر ما ردش 10 نوفمبر 2021