برد

  By: Angu Walters بقلم: أحمد ع. الحضري سمعتها في الخيال صحيت أناديها لا وعيت حروف الندا ولا معانيها تتبع خطايا أثر  خطاوي ناس قبلي أصوات بتلمع وأنا سكران أروح ليها أسأل  كما سألوا أتيه  كما تاهوا أدعي إله الفرح وأعبد  إله الحزن ألاقي نار الغنا، أرقص حواليها أحط عيني ف عنيا أنتشي بيا أشوف ف قلبي لهب فأرقص حواليا 3 مارس 2026

اللوحة لحلمي التوني بقلم: أحمد ع. الحضري اشتريتُه منذ أسبوع، أريتك إياه مبتهجة فأثنيت عليه دون اكتراث، لعلك الآن قد نسيت بالفعل كل ما يخصه.  كنت فرحة حقا بهذا الفستان، كان ردك باهت مؤلم. ثناؤك علي نصف منتبه.  أدرك، ما زلت تراني جميلة، وأعلم أن الأمر سخيف ولا يستحق. لكني كنت سعيدة حقا، وكنت أريدك أن تشاركني هذه الفرحة السخيفة. أعلم أن الفستان لا يهم، وأنني سأرتديه في الغالب مرات معدودة، لكني لحظتها كنت أنا هذا الفستان، حماستي له كانت مهمة، فرحة الطفل بلعبته أهم من اللعبة. وكما يرغب الطفل من يشاركه هذه الحماسة رغبتُ. جعلني هذا أتذكر أنني لا امتلك صديقات، تساقطن أو تباعدن، أو هاجرن أو اختلفنا. وأدرك أنك حبيبي وصديقي، وأنه ليس من العدل أن أغضب منك لأنك لست صديقتي، لكني غاضبة. ١٣ فبراير ٢٠٢٦

By: Joan Miro رأيت كل حاجة نسيت كل حاجة  ففجأة لقيتني بقيت كل حاجة ٢٧ ديسمبر ٢٠٢٥

اللوحة ل: نذير الطنبولي   Nazir Tanboulin بقلم: أحمد ع. الحضري زغللة الحروف اتلخبطت واترتبت طول النظر حول الواضح للغز *** كنت بتشوفه من الأوضة بطرف عنيك بعيد بينك وبينه كان مطر وقزاز تتلفت تتلغي بينكو المسافة تكتشف صورتك ف عينه وتكتشف صورته ف عنيك قول كإنك شفت روحك في المراية أو كإنك حد زقك أو وقعت غصت ف الواضح غرقت *** واما فقت جوا عقلك انفتح شباك جديد فانطلق بالصوت لسانك بس ف الآخر كلامك كان قديم *** كنت لحظتها كأنك بغبغان حتى إنك لو قابلت نسختك من قبل عام كان يقولك يا سلام ما احنا عارفين الكلام ده من زمان ١٧ يناير ٢٠٢٦

اللوحة للفنان ماكس إرنست بقلم: أحمد ع. الحضري أنا طُعم ف صنارة من غير فايدة هموت موجوع والصياد الخايب برضه مسيرة يموت م الجوع 14 يناير 2025

اللوحة مخلقة بواسطة جيميناي بقلم: أحمد ع. الحضري متأخر مش فاكر على إيه متوتر مش عارف من إيه تايه بمشي رايح جاي بسأل: إمتى وفين وإزاي.؟ *** ف القلب زكايب مليانة كلام ف الأوضة خيال متنطور زي التلميذ الخايب باستنى لآخر لحظة ثم أكتب كل المتأخر *** في كلام لسة تقيل على القلب وكلام نُص ناسيه وكلام علشان اتعودت عليه محتاج أنساه ثم أفتكره جايز لحظتها أعرف أرد عليه. *** زي التلميذ الخايب لمحوني محنى ع المكتب من غير صوت ما بقوش عارفين: أنا نمت ولا بحاول أكتب بعض المتأخر قبل اليوم ما يموت 22 ديسمبر 2025

chair -  vincent van gogh -   يبطئُ الوقتَ، حتى أبدو لمراقبي في ثلاثة أو أربعة أماكن في نفس الوقت، أو يسرعه، فيشيخُ العالم قبل أن أنهض من سريري. شبحيٌ لا جسم له؛ يظهرُ شفافًا؛ فلا أراه إلا نصف رؤية، ثم يحتجبُ حين تتحولُ طاقته إلى حركات سريعة لأصابعي على شاشة الهاتف. ينسى وأنسى مع الوقت السبب الأول لالتصاقه بي. شرهٌ، يأكلُ الكتابَ من يدي، والراحةَ من جلستي، والهدوءَ من صمتي، ثم لا يكتفي حتى يأكلَ نومي ليلًا. حين سينتهي من قضم آخر قطعة فيَّ، لن يبقَ سواه. أختفي شيئًا فشيئا عن أعينهم، ليتجلى هو. 15 ديسمبر 2025

The Monkey Antiquarian, by Jean Siméon Chardin in 1740 بقلم: أحمد ع. الحضري وتاني يمتلك قلبي الملل فأهد نولي وأبدأ التجديد سؤال: هل سلمة للروح بتطلعها لفوق ولا انشغالي باللي مش ف الإيد؟ ... وأشك ف روحي ف ثانية فأقول:  ممكن غياب الصبر ف المحنة وع الرحلة و ف التانية أقول ممكن عشان شفت الشروخ  في حيطة الدنيا هنا كان انتقالي من نقيض لنقيض ٣٠ نوفمبر ٢٠٢٥

اللوحة مخلقة بواسطة جيميناي بقلم: أحمد ع. الحضري الشارع واقف الناس واحد واحد بقوا واحد حاسس إن وقوف السكة هوَّ مؤامرة ضد مصالحه الشخصية هو وبس أصواتهم تعلى وتعلى لكن الدوشة دايما واقفة *** الشارع:  مليان فاضي وأنا واقف وسط الناس لو تسأل تلقى ما حدش شافني / ماشفتش حد / ما شفتش حاجة *** الناس حواليك بس انت دماغك كانت سايباك  والناس والشارع ومسافرة  لمكان كنت هتوصل له لولا الزحمة وخناقة *** الشارع واقف الفعل الماضي ماسك ف خناق المستقبل والحاضر واقف قلقان 15 نوفمبر 2025

الصورة مخلقة بواسطة جيميناي بقلم: أحمد ع. الحضري لو ألف مرة اتولدت في كل مرة أختلف في ألف صدفة اتخلقت وف كل مرة أأتلف ... مرة أكون رسام مرة أكون ملاح مرة أكون أستاذ مرة أكون فلاح مرة أكون شحات مرة أكون تاجر ... اوقات أكون طيب أوقات أكون فاجر لكن ف شيء مشترك عمري ما كنت الملك عمري ما أكون مملوك ٢ نوفمبر ٢٠٢٥

D ead Toreador, 1864 by Edouard Manet بقلم: أحمد ع. الحضري كأن أحدهم غرس سكينًا في ظهري دون مبرر أو فائدة تعود عليه ثم مضى. كأن فسلا غافلني وضربني على وجهي ثم جرى مبتهجًا. غاضبٌ. لكن غضبي غريبٌ علي؛ لأني لا أذكر أن أحدهم طعنني في ظهري، ولم يضربني على وجهي أحدُ قط. لكني غاضب، غضب لا أفهمه، غضب يكاد يقتلني، يظهر وأنا أتحدث، وأنا أختلي بنفسي؛ يقفز على كتفي فجأة حين أقرأ، أو أشاهد المسلسلات والأفلام. في الوقت الذي يحاول  عقلي   أن يحتفظ بهدوئه،  قلبي يشبه البالون الذي يزداد امتلاؤه بالغضب مع الوقت . غضبي لا يشبهني، كأن إنسانًا استغل شرودي ودس في حقيبتي غضبه ثم مضى فخورًا بنباهته وخفة يده، وفرحًا بخفة قلبه المكتسبة. 8 فبراير 2024

Three Card Monte, BY:Max Ginsburg 1979. بقلم: أحمد ع. الحضري حد بدلني وانا نايم بواحد مختلف عني وانا وهوا مخدناش في النهار بالنا وكملنا حياة غيرنا بلا تفكير فانا هوا وهوا صار أنا واحد ورا التاني ورا التالت: أنا الوقت نصاب محترف تلقاه على كل الطرق واقف بيلعب بالورق / بينا يبدلنا بخفة إيده ولسانه يعبينا بصنعة لطف في كمه ويخفينا وألاقي ذكرياتي زي طاقية بتلبسني وتقلعني فأفكر رغم إني بشكل عابر بانتحل كلمة: أنا وقت تأليف القصيدة كنت شاكك إن أنا موجود 15 مارس 2022

Three Card Monte, BY:Max Ginsburg 1979. بقلم: أحمد ع. الحضري كإنك مت وبتعيد الحياة تاني. ... عشر مرات مشيت نفس الطريق ولسة مش فاكر. ... ولكن كل كام خطوة تقف مدهوش وبتشبه على جملة على مشهد على إنسان لأول مرة بتشوفه لكن صاحبك ومش فاكره ومش فاكرك وبتحاول تقول اسمه العلى طرف اللسان موجود ومش موجود. 12 مارس 2022

  Painting by: Edvard Munch, 1893 بقلم: أحمد ع. الحضري محاولة للهروب م السجن: سجن الوقت محاولة للنجاة أو استراحة وحباية مسكن وتحقيق اللي مش ممكن ف عالم بخلقه دلوقت فليه كل أما بتخيل بني آدم بيتحول شيطان وليه بتخيل الشارع بيتحول لحارة سد وليه كل أما برسم بيت تعاكسني الحيطان وليه حتى تفاصيل الخيال ضدي بتتمرد وتجبرني أعافر إذا ما كنت رب الحلم: هذا الحلم فليه حتى الخيال كافر 6 يناير 2022

بابلو بيكاسو بقلم:  أحمد ع. الحضري كإنه واحد رجله مقطوعة جديد فلسة حاسس بالألم كإن نمل فوقها ماشي أو بيمشي تحت جلده كان يئن كإنه حاسس بالعدم ينسى، يقف، يقع فيتعكز يقوم كان الكلام محبوس كان الكلام ميت ما وصلش صوته لحد لكنه في حيرته كان ف انتظار الرد 2 يناير 2022

اللوحة لهشام نوار بقلم:  أحمد ع. الحضري لو منتظر إعجاب بنص ما لقاش مبرر يكتبه أو منتظر الناس تشوف لوحة ف خياله من غير ما يرسمها أو منتظر تعليق على تعليق ما صرحهوش مستني رد الفعل من غير فعل وف إيده كان ماسك قلم ما استخدموش لو مرتبك رغم إن قلبه فيه كلام وعقله فيه يبقى السؤال: إزاي هيقدر يكتب الحلم ف CV؟ 31 ديسمبر 2021

اللوحة لسمير رافع بقلم: أحمد ع. الحضري الناس قاعدين ماشيين جنبيه بس عيونهم مش شايفاه  على طرف المشهد  كان جوا العالم والعالم جواه  وكأنه البحر/ الرمل/ الصدف / الضل / النور فما كانش يشوفه غير إنسان زيه مسحور كان واحد ويا البحر الصنارة كلام  والسمك الرد ولإن الود ليلتها كان موصول بينه وبينه رد البحر سلام بسلام سمكة ف سمكة  كان الضوء اتركز ع الصياد  والناس القاعدة بدأت تهتم  اتحمس فجأة الصياد للدور أصبح بطل المشهد  والباقي كان جمهور  الناس تتحمس وتصقف مع كل غنيمة بتظهر  الهامش أصبح مركز  والصياد اصطاد النشوة مع أكل يومين  في اليوم التاني  الصياد والبحر اتنين  إنسان عادي زي  بقيت الناس  جواه قاعد واحد زيه بيتلفت بين الناس والبحر  حواليه عشرين صنارة غريبة  بتهمهم أول مرة تشوف المية والبحر ما بيفهشي إلا لغة البحر  البحر ما بيتكلمش لغات  الصنارة ف إيد الصياد كانت بتهته  نص كلام البحر ونص كلام الناس  ف البحر ما ردش 10 نوفمبر 2021

Fortune teller, Albert Anker, 1880  زي الخيط لما يسيب تتلعبك  أيامك  وتخيب وانت هتفضل زي قماش مركون تتكرمش وتدوب أحمد ع. الحضري 11 يونيو 2021

كانت كلماتي اليومَ خفيفَة: لا عمقَ لها، لا حكمةَ فيها إلا الشوقَ شردتُ فغمغمتُ وتمتمتُ وأسهبتُ صنعتُ بها طائرةً أرخيتُ لها الخيطَ فطِرْتُ أحمد ع. الحضري 13 أبريل 2021

Explosion by Sara Richins (2020) تذبحهم في خيالك كل يوم دون أن تعرف وجوههم ولا أسماءهم ولا الطريق المؤدي إليهم مشكلة الغضب من فكرة أنك لا تستطيع لكمها ولا يفيدك إمطارها بالسباب منهكًا تقف وحدك كقناص متأهب دون هدف يمكن أن يوجه إليه بندقيته غضبك مثل قنبلة يدوية منزوعة الفتيل إن لم تلقها بعيدًا ستقتلك 6 مارس 2021