أرشيف
بقلم أحمد ع. الحضري
(1)
في المدرسة
كان المدرس
بيغير العنوان ويغير التواريخ
ويعيد كلام جده
أو جد جده
(2)
فيه مخبرين في كل سطر
وف كل فقرة محكمة وبوليس
صفحة جديدة
فيه مخبرين في كل سطر
وف كل فقرة محكمة وبوليس
(3)
ورق مفتت من بواقي التاريخ
لما أفركه يرجع تراب
آدي اللي باقي من زمان
كان حيّ
آدي اللي باقي من زمان يشبه زماننا
لا داعي للدهشة
برضه النهارده ... بكره إبني يفركه
يصبح تراب
آدي اللي باقي من النهاردة
آدي اللي باقي من كيان
اسمه أنا
(ارتجالتي في جلسة مغامير بالأمس26 سبتمبر)
تعليقات
إرسال تعليق
أفيدوني بانتقاداتكم وإطراءاتكم، أسعد بجميع الآراء