برد

D ead Toreador, 1864 by Edouard Manet بقلم: أحمد ع. الحضري كأن أحدهم غرس سكينًا في ظهري دون مبرر أو فائدة تعود عليه ثم مضى. كأن فسلا غافلني وضربني على وجهي ثم جرى مبتهجًا. غاضبٌ. لكن غضبي غريبٌ علي؛ لأني لا أذكر أن أحدهم طعنني في ظهري، ولم يضربني على وجهي أحدُ قط. لكني غاضب، غضب لا أفهمه، غضب يكاد يقتلني، يظهر وأنا أتحدث، وأنا أختلي بنفسي؛ يقفز على كتفي فجأة حين أقرأ، أو أشاهد المسلسلات والأفلام. في الوقت الذي يحاول  عقلي   أن يحتفظ بهدوئه،  قلبي يشبه البالون الذي يزداد امتلاؤه بالغضب مع الوقت . غضبي لا يشبهني، كأن إنسانًا استغل شرودي ودس في حقيبتي غضبه ثم مضى فخورًا بنباهته وخفة يده، وفرحًا بخفة قلبه المكتسبة. 8 فبراير 2024

Three Card Monte, BY:Max Ginsburg 1979. بقلم: أحمد ع. الحضري حد بدلني وانا نايم بواحد مختلف عني وانا وهوا مخدناش في النهار بالنا وكملنا حياة غيرنا بلا تفكير فانا هوا وهوا صار أنا واحد ورا التاني ورا التالت: أنا الوقت نصاب محترف تلقاه على كل الطرق واقف بيلعب بالورق / بينا يبدلنا بخفة إيده ولسانه يعبينا بصنعة لطف في كمه ويخفينا وألاقي ذكرياتي زي طاقية بتلبسني وتقلعني فأفكر رغم إني بشكل عابر بانتحل كلمة: أنا وقت تأليف القصيدة كنت شاكك إن أنا موجود 15 مارس 2022

Three Card Monte, BY:Max Ginsburg 1979. بقلم: أحمد ع. الحضري كإنك مت وبتعيد الحياة تاني. ... عشر مرات مشيت نفس الطريق ولسة مش فاكر. ... ولكن كل كام خطوة تقف مدهوش وبتشبه على جملة على مشهد على إنسان لأول مرة بتشوفه لكن صاحبك ومش فاكره ومش فاكرك وبتحاول تقول اسمه العلى طرف اللسان موجود ومش موجود. 12 مارس 2022

  Painting by: Edvard Munch, 1893 بقلم: أحمد ع. الحضري محاولة للهروب م السجن: سجن الوقت محاولة للنجاة أو استراحة وحباية مسكن وتحقيق اللي مش ممكن ف عالم بخلقه دلوقت فليه كل أما بتخيل بني آدم بيتحول شيطان وليه بتخيل الشارع بيتحول لحارة سد وليه كل أما برسم بيت تعاكسني الحيطان وليه حتى تفاصيل الخيال ضدي بتتمرد وتجبرني أعافر إذا ما كنت رب الحلم: هذا الحلم فليه حتى الخيال كافر 6 يناير 2022

بابلو بيكاسو بقلم:  أحمد ع. الحضري كإنه واحد رجله مقطوعة جديد فلسة حاسس بالألم كإن نمل فوقها ماشي أو بيمشي تحت جلده كان يئن كإنه حاسس بالعدم ينسى، يقف، يقع فيتعكز يقوم كان الكلام محبوس كان الكلام ميت ما وصلش صوته لحد لكنه في حيرته كان ف انتظار الرد 2 يناير 2022

اللوحة لهشام نوار بقلم:  أحمد ع. الحضري لو منتظر إعجاب بنص ما لقاش مبرر يكتبه أو منتظر الناس تشوف لوحة ف خياله من غير ما يرسمها أو منتظر تعليق على تعليق ما صرحهوش مستني رد الفعل من غير فعل وف إيده كان ماسك قلم ما استخدموش لو مرتبك رغم إن قلبه فيه كلام وعقله فيه يبقى السؤال: إزاي هيقدر يكتب الحلم ف CV؟ 31 ديسمبر 2021

اللوحة لسمير رافع بقلم: أحمد ع. الحضري الناس قاعدين ماشيين جنبيه بس عيونهم مش شايفاه  على طرف المشهد  كان جوا العالم والعالم جواه  وكأنه البحر/ الرمل/ الصدف / الضل / النور فما كانش يشوفه غير إنسان زيه مسحور كان واحد ويا البحر الصنارة كلام  والسمك الرد ولإن الود ليلتها كان موصول بينه وبينه رد البحر سلام بسلام سمكة ف سمكة  كان الضوء اتركز ع الصياد  والناس القاعدة بدأت تهتم  اتحمس فجأة الصياد للدور أصبح بطل المشهد  والباقي كان جمهور  الناس تتحمس وتصقف مع كل غنيمة بتظهر  الهامش أصبح مركز  والصياد اصطاد النشوة مع أكل يومين  في اليوم التاني  الصياد والبحر اتنين  إنسان عادي زي  بقيت الناس  جواه قاعد واحد زيه بيتلفت بين الناس والبحر  حواليه عشرين صنارة غريبة  بتهمهم أول مرة تشوف المية والبحر ما بيفهشي إلا لغة البحر  البحر ما بيتكلمش لغات  الصنارة ف إيد الصياد كانت بتهته  نص كلام البحر ونص كلام الناس  ف البحر ما ردش 10 نوفمبر 2021

Fortune teller, Albert Anker, 1880  زي الخيط لما يسيب تتلعبك  أيامك  وتخيب وانت هتفضل زي قماش مركون تتكرمش وتدوب أحمد ع. الحضري 11 يونيو 2021

كانت كلماتي اليومَ خفيفَة: لا عمقَ لها، لا حكمةَ فيها إلا الشوقَ شردتُ فغمغمتُ وتمتمتُ وأسهبتُ صنعتُ بها طائرةً أرخيتُ لها الخيطَ فطِرْتُ أحمد ع. الحضري 13 أبريل 2021

Explosion by Sara Richins (2020) تذبحهم في خيالك كل يوم دون أن تعرف وجوههم ولا أسماءهم ولا الطريق المؤدي إليهم مشكلة الغضب من فكرة أنك لا تستطيع لكمها ولا يفيدك إمطارها بالسباب منهكًا تقف وحدك كقناص متأهب دون هدف يمكن أن يوجه إليه بندقيته غضبك مثل قنبلة يدوية منزوعة الفتيل إن لم تلقها بعيدًا ستقتلك 6 مارس 2021

by: Igor Morski لو مصلحتي الخوف ما تخوفنيش أو مصلحتي ف إيدك هقطع إيدك وما تضربنيش سيبني، رجع لي التوهة غور من روحي وما تقرفنيش 20 فبراير 2021

The Scream. BY: Edvard Munch, 1893. كإن المشهد الضلمة ما هوش ناقص  سوى لمبة في عمود النور تقيد / تطفي  ولحن بيكسر المألوف وبينبه  بإن المشهد المتعاد  بيخفي شيء ما هوش معتاد كإنك ماشي ف الشارع وف الضلمة في صوت رجلين بتمشي وراك لكن بتمد ... وبتحاول ما تتلفتش  عشان خايف: إي لو بصيت هيبقى هناك  كإنك وانت بتكلم بني آدم بتلقاه اختفى فجأة  وتتلفت ما بتلاقيهوش ف أي مكان وتتلفت ما بتلاقيهوش ف أفكارك وتتلفت وعارف كنت بتدور على حاجة  ومش فاكر  لكن خايف  ومش فاهم  ومش قادر  ما تتلفتش أحمد ع. الحضري 4 فبراير 2021

  بقلم: أحمد ع. الحضري حين فكر المركب الورقي أن كل قراراته "المصيرية" لم تكن سوى صدفة التقاء أحلامه  بإرادة النهر كان قد بدأ فعلًا في الغرق 27 أكتوبر 2020

 محدب ومقعر- لوحة لموريتس كورنليس إشر -1955 بقلم: أحمد ع. الحضري في الفيلم: البطلة بتعرف بالصدفة  إن ما بين الدور السابع والتامن  في الدور السبعة ونص 

by Jie Ma عند موظفة الاستعلامات وقفنا. كان السؤال عن المحاضرة المقامة في المكان. سألتنا عن الدعوات، فأخبرتها ما قيل لي من أن حضور المحاضرة غير مقتصر على من يملكون الدعوات. نفت ذلك، ولكني أصررت. اتصلت بالهاتف، تحدثت لدقيقتين أو ثلاثة ثم أغلقت، أخبرتنا أن دخولنا ممكن من السلم ب، أشارت للخلف، ثم تحولت عنا. ذهبنا إلى حيث أشارت، لم نعثر على السلم، فافترقنا نبحث، مشيتُ وحيدًا، مررت بالسلم ج والسلم د ، أواصل السير. أبريل 2016

 By: Gerhard Gluck انظر إلى ساعتك مرةً أخرى قبلَ إطلاقِ الصافرة احتسب و قتًا إضافيًا: دقائق ساعات سنوات من جانبي أعدك أن أعوض ما فاتني وأن أكون أكثر حماقة  في المرة القادمة أبريل 2016

by: George Grosz تعثرت تعثرات خفيفة في الكلام، كنت أستشهد ببيتٍ شعري ما، ذكرت نصفه الأول لكني بذلت مجهودًا في التفكير لتذكر النصف الثاني المألوف لولا التشتت، وقبل أن أذكره وجدت صوتًا في رأسي، صوتًا مألوفًا بشكل ما، يكمل بلساني البيت. الغريب أن الصوت أكمل البيت في الوقت الذي كنت فيه ما أزالُ عاجزًا عن تذكر البيت، جاء الصوت مصاحبًا للتفكير المضني لا تابعًا له. كأني اثنان: واحد يعصر رأسه ليتذكر الشطر ويفشل، وآخر يتذكر النصف ويواصل بسلاسة. أبريل 2016

The Wrath Of The Seas Painting by Ivan Aivazovsky بقلم: أحمد ع. الحضري كام سندباد، من غير سفر من غير مراكب، أو طرق  أو طير كبير يوصله لمكان عجيب كام سندباد ثابت مكانه لفّ بس ف دايرة مقفولة  سنين كام سندباد،  من غير مغامرة أو عواصف أو أمل من غير علامة أو دليل. ... كل الطرق -إلا الطريق اللي رفضته- بترفضك واقف: لإنك مش مخيَّر أو مسيَّر أو مهادن أو شجاع  2 ديسمبر 2019

بقلم: أحمد ع. الحضري بيدوس علي جسمي  من غير ما يكرهني  يطلع علي روحي من غير ما يلمحني كإنه شيخ مجذوب كإني شِبَّاكُه أو سِلمُه للنور    ***    كإني واللبلاب: صُحاب كإنه ذنبي أو بلائي أو طريقتي ف الوجود    كإننا واحد وبس لا عنيك تفرقنا  ولا إيدك هتقدر    

اللوحة لدالي بقلم: أحمد ع. الحضري تُحِسُّ أن معاناتها فريدة من نوعها تتوهجُ فتُحرِقُ تضْطَرم تعي ذاتها