فزَّاعة
بقلم: أحمد ع. الحضري
تحت الأزرق في الأبيض ف الأصفر
كان الناس ماشيين مش واخدين بالهم
إن الشارع غرقان
وإن الماشيين من غير ما يحسوا
بيسيبوا بخطوتهم علامات بالأحمر
الأحمر كان مالي الدنيا:
- آثار رجلين
- عجلات
- شخبطة فوق الأوراق المرمية
- جذر الشجرة الناشفة
- فوق الفتارين
- تحت هدوم الناس
...
...
أحمر أحمر أحمر
تحت الأزرق ف الأبيض ف الأصفر
مخلوق مش عارفين اسمه أو رسمه
يمشي ما بين الناس
بيطرطش فوق الدنيا الأحمر
والناس ماشيين مش واخدين بالهم
إن في حاجة اختلفت
29 يونيو 2013
تعليقات
إرسال تعليق
أفيدوني بانتقاداتكم وإطراءاتكم، أسعد بجميع الآراء