كإنّ الحلم بيخبط على بابك
كإن الحلم بيخبط على بابك
مخالف كل أعراف الحياة
مخالف للقيود اللابدة جوا الآه
وعارف إن كل الحسن قدامك
فخايف ليه تمد اليد تتلقاه؟!
****
كإن الحلم محبوبك بتتمناه
قمر واقف على الشباك بتترجاه
تفضفضله وتشكيله من القسوة
فيسمعلك ويتمايل بحنية
فتنسى الهم .. تتمايل من النشوة
فخايف ليه تمد اليد تتلقاه
****
كإن الخية منصوبة ف أفكارك
بترفض حلم متعلق ف وجدانك
كإنك طفل بيتهته حروف الحلم
يجييك الحلم...عصفورة بتصطادك !!
وبرضه تلطخ الأحلام بطين العلم
****
صبحت سجين لأفكارك ؟؟!!
صبحت سجين لهذا الوعي بيهدك
وللأفكار بتتلائم عليك وتحل في جسمك
برغم الحلم بيلالي
كأنوار الفرح واقفة
وبتودع بواقي الهم
****
فلو هاتحل وجدانك من الأحلام
فلازم تشتري دماغين على دماغك
وتستحمل صداع الفكر
ولو هاتحل وجدانك من الأحلام
ليه بتلملم حروف الكلمة من إعلان
بيتعلق ف عرض الحلم
****
حروف الكلمة مدهونة بسمن الحلم
فيا تلحق وتاكلها
ياييجي الصبح تفقدها ف حر الوعي
وتنساها
***
ولسة الحلم بيخبط على بابك
مخالف كل أعراف الحياة
مخالف للقيود اللابده جوا الآه
وشايفه عنيك زهور الحلم قدامك
فخايف ليه تمد اليد تتلقاه؟!
...
مخالف كل أعراف الحياة
مخالف للقيود اللابدة جوا الآه
وعارف إن كل الحسن قدامك
فخايف ليه تمد اليد تتلقاه؟!
****
كإن الحلم محبوبك بتتمناه
قمر واقف على الشباك بتترجاه
تفضفضله وتشكيله من القسوة
فيسمعلك ويتمايل بحنية
فتنسى الهم .. تتمايل من النشوة
فخايف ليه تمد اليد تتلقاه
****
كإن الخية منصوبة ف أفكارك
بترفض حلم متعلق ف وجدانك
كإنك طفل بيتهته حروف الحلم
يجييك الحلم...عصفورة بتصطادك !!
وبرضه تلطخ الأحلام بطين العلم
****
صبحت سجين لأفكارك ؟؟!!
صبحت سجين لهذا الوعي بيهدك
وللأفكار بتتلائم عليك وتحل في جسمك
برغم الحلم بيلالي
كأنوار الفرح واقفة
وبتودع بواقي الهم
****
فلو هاتحل وجدانك من الأحلام
فلازم تشتري دماغين على دماغك
وتستحمل صداع الفكر
ولو هاتحل وجدانك من الأحلام
ليه بتلملم حروف الكلمة من إعلان
بيتعلق ف عرض الحلم
****
حروف الكلمة مدهونة بسمن الحلم
فيا تلحق وتاكلها
ياييجي الصبح تفقدها ف حر الوعي
وتنساها
***
ولسة الحلم بيخبط على بابك
مخالف كل أعراف الحياة
مخالف للقيود اللابده جوا الآه
وشايفه عنيك زهور الحلم قدامك
فخايف ليه تمد اليد تتلقاه؟!
...
أحمد ع. الحضري
أكتوبر 2002
:)
ردحذفالله
ربنا يكرمك
فيها كثير حقيقي يتقال
كلها جميلة وطيبة
بس هقول ايه ....
قمر واقف على الشباك بتترجاه
تفضفضله وتشكيله من القسوة
فيسمعلك ويتمايل بحنية
فتنسى الهم .. تتمايل من النشوة
الله
كإنك طفل بيتهته حروف الحلم
يجييك الحلم...عصفورة بتصطادك !!
وبرضه تلطخ الأحلام بطين العلم
وصحيح
فلو هاتحل وجدانك من الأحلام
فلازم تشتري دماغين على دماغك
وتستحمل صداع الفكر
ولو هاتحل وجدانك من الأحلام
ليه بتلملم حروف الكلمة من إعلان
بيتعلق ف عرض الحلم
ربنا يكرمك يا احمد
:)
تحياتى الممتنة
لو قلتلك القصيدة حلوة بس خفيفة
ردحذفهتزعل؟
لأ طبعا مش هتزعل
كونها قصيدة كويسة .. دا شىء لصالحك
كونها خفيفة .. جايز علشان الحالة كده
مش محتملة أكتر يعنى
جايز
ــــــــــــــــــــــ
على فكرة
يابختك بالأحلام
فريدة : أشكرك :)
ردحذفعين ضيقة: أكيد مش هازعل .. أشكرك على التعليق .. وسعيد بمرورك :)
لباولو كوهلو فى ساحر الصحراء
ردحذفجمله جميله
اتبع حلمك وامضى
حين قرأت الروايه أثرت فيا جدا
اانسان بدون الحلم يفقد انسانيته
الانسان حيوان حالم
ولاتعارض بين العلم والحلم
هناك جدل ين الحلم والواقع
لكن اذا لم يكن العالم حالم لن يبدع
انا أول مره أكتشف المدونه الجميله دى
ومش هتكون آخر مره
تحياتى
أبو أحمد : سعدت بتعليقك جدا .. لكن أجمل ما في مرورك هو تعرفي على مدونتك المميزة .. تحياتي
ردحذفتاااااني
ردحذفتاني الحلم وكأن الحلم
مازلت أري جمال القصيدة في روعة تصوير خوفك من الحلم الموشك علي التحقق..رهبتك ازاءه وعدم تصديقك لامكانية التحقق أخيرا..مازلت أري السر كامنا في"فخايف ليه، تمد اليد تتلقاه!!"
مازلت رائعا، منتزعا من صدري"اللااااه" راضية منتشية
أول مرة أقرأ حاجة توصف الخوف من الحلم ومن عدمه بالطريقة الرائعة دي
ردحذفأحمد.. كل التحية لقلمك ولاحساسك
لكن لسة عندي أمل أقرأ حاجة متزينة ب2008 :)
بحلم: شكرا مرة أخرى :)
ردحذفملكة : حقا سعيد بمرورك :) تحياتي لك
عَبرَ سَمَاءٍ تَتَّسِعُ لاخْتِلافِنَا
ردحذفيُمْكِنُنَا إعَادةَ خَلْقِ المَسَافَة
بَيْنَ رِسَالَةٍ وَأُخرَى
بَينَ السَّطحِ وَالشُّرفَة
بَينَ الحَقِيقَةِ وَالوَهْم
....احة أحيك على القصيدة , بجد رائعة
انا بحب جدا الشعر العامي
ومن هنا ورايح لازم ان شاء الله أتابع أشعارك
لأنها فعلا رائعة
ذكريات البحر : مرورك ثري وناعم شكرا لك :) وسعيد أن أعجبك ما كتبت هنا
ردحذف