سولو

The Dance, by Henri Matisse



أحمد ع. الحضري


واحد زيك ما اتعلمش الرقص
بيحس سعات

بالنقص
يتلفت وسط الشارع
حاير ليه؟
محتار
...
فين هيحط عينيه

ف الأرض (مؤدب)
ف عينيها (جريء)
أو ممكن حتى
يبقى قليل الذوق
واحد زيك
 ما اتعلمش الرقص
يحتاس أوقات.. ف مكان رجليه
ويشبك إيده سعات
يرفعها سعات
ويربع أوقات
محتار
ويفكر: الناس باصالك
وانت ما قررتش
 ترسم وش الواثق أو وش الغلبان
ويفكر:
واحد زيك ما اتعلمش الرقص
بيحس سعات
بالنقص

10 مارس 2012

تعليقات

  1. مدونتك تستحق التقدير .. واصل عملك مشكوراً

    ردحذف
  2. أشكرك أستاذ سعيد على التشجيع وعلى رأيك

    ردحذف
  3. مش فاكرة اني قريتها قبل كده، بس راقصة جدا حتى في موسيقاها وحيرتها ... عجبتني قوي

    ردحذف
  4. هي فعلا مكتوبة من يومين بس يا هدى .. شكرااا ومبسوط إنها عجبتك :)

    ردحذف
  5. عجبتني جدا.. تستغرب لو قلتلك أني بحس بكدة

    ردحذف
    الردود
    1. سعيد انها عجبتك :) ولا ما أستغربش :)

      حذف

إرسال تعليق

أفيدوني بانتقاداتكم وإطراءاتكم، أسعد بجميع الآراء

الأكثر زيارة هذا الأسبوع

النسبية الثقافية ؟

هكذا تبدو الثورة ..2

حدث في المستقبل

ألفريد آدلر (Alfred W. Adler)

مقتطفات عن أينشتاين