النوة




الحزن ليه دابحك؟
سكينة مجنونة
بتحزّ في جرحك

باليأس مسنونة

****

النوة شتوية؟
هدّي الخطى شوية
اقفل عليك الحلم
واتغطى أغنية

***

مهما الرياح هتزوم
والنوة تشتي هموم
افرد شماسي الحلم
واتدفى بالمقسوم

***

وامّا يغيب النوم
اعزف مواويلك
كل النجوم هتقوم
ترقص ف أرغولك

****

وارسم خطاوي الليل
على جناح النور
و لما ييجي السيل
اوعاك تبان مكسور

...
أحمد ع. الحضري
2001

تعليقات

  1. النوة شتوية؟
    هدّي الخطى شوية
    اقفل عليك الحلم
    واتغطى أغنية

    ...

    كل التحية

    ردحذف
  2. مهما الرياح هتزوم
    والنوة تشتي هموم
    افرد شماسي الحلم
    واتدفى بالمقسوم


    الله عليك


    فعلا فعلا الله عليك

    ردحذف
  3. من قال ان الحلم استسلام وخمول!!
    الحلم تمرد وثورة، لا ضخمة في وجه واقع محبط..كل التحية لمن استطاع أن يدمج"اقفل عليك الحلم" و"اوعاك تبان مكسور" في كبسولة واحدة

    ردحذف
  4. والله بأحاول أقفل عليا الحلم
    وأتغطى أغنية

    ساعات بأقدر
    وساعات الظروف اللى حواليا بتمنعنى

    البيت ده على فكرة معلق معايا من حوالى سنة كده من ساعت ماقريت الديوان

    ربنا يوفقك

    ردحذف
  5. فتحت صفحتك على عجل أمس
    لم أقرأ منها سوى التساؤل الأول
    (الحزن ليه دابحك ؟)
    أحسست بقبضة ما تعبث بي ألما في الداخل
    لم أكمل أكثر
    تبا له من نص يؤلم من جملة
    ...
    لهذا النص أحوال وأحوال معي
    لا أملك أن أقلبه وأفتش عن أحواله قوة وضعفا
    ..
    هو من يملك حق هذا الفعل معي
    وأحسب مع كثيرين
    ..
    .
    اعذر ثورتي عليه في البداية
    .
    .
    .
    ليت الشكر يكفي
    دمت لنا بخير

    ردحذف
  6. الله يا احمد جميل جدا ومعانى كلها تفاؤل قلما نجدها
    الف تحيه

    ردحذف
  7. جميل أوى بجد
    والاحساس واصل اوى
    احييك..

    ردحذف
  8. قصيدة جميلة
    ومليئة بالهدوء
    والرقة المعتادين
    تحياتي

    ردحذف
  9. وارسم خطاوي الليل
    على جناح النور
    و لما ييجي السيل
    اوعاك تبان مكسور


    ،،،،،،،
    يعمل فيها قاعد بمزاجه يعني .



    أحب هذه القصيدة
    كل الود

    ردحذف
  10. هدى/ أميرة/ بحلم أشكركم على المرر
    yotta لا أدري كيف أرد على تعليقك حاولت أن أجد كلمة مناسبة أو نصيحة ما لكنني لم أجد ... أكتفي بالشكر كعادتي
    دينا: حقا تسعدني تعليقاتك
    رانيا /خوليو/ محمد المعداوي أشكركم على المرور
    التواتي : سعدت لمرورك ... وأفتقد تدويناتك ... حقا أفتقدها... تحياتي

    وكل عام وأنتم جميعا بخير

    ردحذف
  11. كل مادخل عليك ألاقى النوة
    اقرأها و ابقى مش عاوز اعلق

    ردحذف
  12. هقول ايه
    انت عارف انى كنت بدافى بها

    ويمكن لانى عرفة انك عارف ما علقتش من اول ما نزلتها

    اه ليه بعلق النهارده؟

    لانى لاول مرة بتفاجأ بنفسي بتسألنى

    ازى اقفل على الحلم وانا مش عرفة افتح بابه الى مقفول امامى عن عمد

    مش عرفة
    حسيت ان حلمى غريب عنى
    وعكس الناس كلها بقيت بحس بوحشة معاه
    خيفة منه

    بقيت مش مصدقاه

    يعنى حاجة كده

    لكن تصور في امل

    اه

    لانى مصدقى ربنا


    حقيقي ربنا يكرمك ويجزيك عنى كل خير

    حقيقي كلماتك بتبنى الجميل جوانا الى قسوت حاجات كثير بتهده

    ردحذف
  13. فاوست: أشكرك على المرور ... فعلا تأخرت هذه المرة ... لإنشغالي عن المدونة قليلا ..

    فريدة: أسعدني تعليقك ... أظن أن النظر للأمور بطريقة مختلفة هو بداية التغيير ...

    ردحذف

إرسال تعليق

أفيدوني بانتقاداتكم وإطراءاتكم، أسعد بجميع الآراء

المشاركات الشائعة من هذه المدونة

هل العالم حقيقي، أم أنه مجرد وهم أو هلوسة؟

ما هو الفن الطليعي؟ (Avant Garde)

ألبرت أينشتاين وميليفا ماريتش: قصة حب (اقتباس)

قصائد من الشعر الأفريقي المعاصر