لبلاب





بقلم: أحمد ع. الحضري

بيدوس علي جسمي 
من غير ما يكرهني 
يطلع علي روحي
من غير ما يلمحني
كإنه شيخ مجذوب

كإني شِبَّاكُه
أو سِلمُه للنور
  
***
  
كإني واللبلاب: صُحاب
كإنه ذنبي
أو بلائي
أو طريقتي ف الوجود
  كإننا واحد وبس
لا عنيك تفرقنا 
ولا إيدك هتقدر
   
لو تقلع اللبلاب 
جدوري 
تننقلع وياه
وأموت
   
لما السما تمطر 
معايا يشرب اللبلاب 
وأموت
   
لو تحرمُه؛ 
يكوي العطش روحي  
وأموت
  
***
  
بذرة ف قلب التراب 

تروي السما قلبي
يصبح بشاير خراب

تروي السما صوتي 
يصبح كإنه سراب

تروي السما عيني 
ما يبانشي غير الغراب
واقف بياكلني 
  
***
  
إرميني ف الصحْرا أموت
إرميني ف المية أموت
إرميني ف الطين برضه أموت
كإني موت
ف موت 
ف موت 

تعليقات

  1. ياااااااااه... والله زمان يا حضري..
    حمد الله ع السلامة يا أخي!

    ردحذف

إرسال تعليق

أفيدوني بانتقاداتكم وإطراءاتكم، أسعد بجميع الآراء

المشاركات الشائعة من هذه المدونة

هل العالم حقيقي، أم أنه مجرد وهم أو هلوسة؟

ما هو الفن الطليعي؟ (Avant Garde)

ألبرت أينشتاين وميليفا ماريتش: قصة حب (اقتباس)

قصائد من الشعر الأفريقي المعاصر