صندوق مقفول

By: robert knighton


بقلم: أحمد ع. الحضري
راسي ف يوم
هت - قنبلة
تتنطور الأفكار مع الأحلام مع التعب القديم
ع الأرض زيَ حبَ رمان
أو عنب

راسي ف يوم
هت- قنبلة
وتفجر اللي تعرفه
عشان تبوح
باللي ما تعرفهوش

فيه جوَّا أرضي حاجة مدفونة
أفكر: كنز مدفون من سنين
أم فيه لغم تاني؟

مشيت كتير
...
وبعد رحلة عمر أوصل آخر المشوار
واشك

واقف قصاد الباب وخايف أفتحه:

يا هل ترى دا كنز ولا فخ؟

هل ممكن أبقى الراجل اللي مات
عشان فيه حلم راود

شهوته

ما عرفش يرتاح م الفضول

حتى فتح بابه



هل ممكن أبقى الراجل اللي بعد طول الرحلة - يا للسخرية -
بيموت قصاد الباب
عشان خاف يفتحه

هنا: أنا
والباب: مراية
خلف هذا الباب:
أنا تاني

سؤالي:
حيِّ أم ميت ؟!

تعليقات

المشاركات الشائعة من هذه المدونة

هل العالم حقيقي، أم أنه مجرد وهم أو هلوسة؟

ما هو الفن الطليعي؟ (Avant Garde)

ألبرت أينشتاين وميليفا ماريتش: قصة حب (اقتباس)

قصائد من الشعر الأفريقي المعاصر