ممتلكات عامة
للفنان المصري طه حسين |
بقلم: أحمد ع. الحضري
(جدار)أبو وشين
بيقول الوش المستغبي
انتم م البر التاني
ممنوع / ما يصحش
بيقول الوش التاني
حاضر / قلبي معاكم
بتقول طوبة ف قلبه: منكم
طوبة: مش منكم
(تلفزيون)
الفكرة
مهيش في كلام منقوش
الفكرة:
كلام خارج مغشوش
السكر فوقك لو مرشوش راح تفضل
ماسخ
(تمثال)
تمثالْ ف ميدان
قدامه دروب
لكنه اختار / ما اخترشي:
يفضل واقف زينة
تمثالْ
لو سايب نفسه لنفسه هيفضل ثابت
لكن الموت إداله
ساعة بعقارب: قلبه
اتحرك
(نهر)
من السما للملح
من الطريق الخاص
إلى الطريق العام
من المجرد فوق
إلى البشر ف الشارع
(دخان)
كانتْ
محاولة يائسة من النارْ
عشان تسيطر ع الهوا
(مسرحْ)
خطأ مقصود
خطأ عفوي
وشوش / ألوان
أكون أو لا ...
خناجرهم
كتير ف الضهر
9 مارس 2013
تعليقات
إرسال تعليق
أفيدوني بانتقاداتكم وإطراءاتكم، أسعد بجميع الآراء