في الحلم


أحمد ع. الحضري
Contemplating an Invisible Mirror by dali

مدّدت غفلت فنمت حلمت قابلتك
بصيت لعنيكي لمحت النور فعْشقتك
وسمعتك ... حسيت الحلم اتملا أنغام

ولقيتني ف قصر حيطانه من الأوهام
وهويتك لكن عقلي شاورلي وقال لي كلام
فياريت سامحيني إن  فجأة صحيت وفارقتك

الدنيا ضلام ... والحلم أهو قايد نور
عينك شمعاية ف وسط الضلمة بتضوي سرور
الدنيا ضلام وعنيكي سحابة ضي
بتمطر نورها ف قلبي فيرجع حي
وبيطرح فجأة ف قلبي سؤال مجنون:
إن طال الحلم لبكرة هاشوفك فين؟؟!


أكتوبر 2004
[نشرت في ديواني الأول "إقفل عليك الحلم"(2006)]

تعليقات

  1. ياه، رجعتني سنين كتير قوي يا مغمور
    بأحب الحالة اللي كاتبها هنا وكمان في "فتاة الحلم الماضي"؛ عقدتني شعرًا ونثرًا
    ربنا يزيدك إبداع

    ردحذف
  2. شكراا يا مروة .. تسلمي

    ردحذف

إرسال تعليق

أفيدوني بانتقاداتكم وإطراءاتكم، أسعد بجميع الآراء

الأكثر زيارة هذا الأسبوع

النسبية الثقافية ؟

هكذا تبدو الثورة ..2

حدث في المستقبل

ألبرت أينشتاين وميليفا ماريتش: قصة حب (اقتباس)

ما هو الفن الطليعي؟ (Avant Garde)