مدد
لما التقيت الكلمة مدالي الكفوف
لما التقيت الكلمة قايدالي شموس
قمت ارتقيت فوق السما
ندِّيت فؤادي بالحروف
وف ضيها المغموس
..
بدم الأوردة
قلب الحقيقة اللي بدا
إدى الفؤاد اجمل دروس
**
"يا اهل الأمانة والندى والشوق"
قلب الحقيقة اللي بدا
إدى الفؤاد اجمل دروس
**
"يا اهل الأمانة والندى والشوق"
....
غريق
غرقان ف بحر الضي والشوق البرئ
نداكوا قبلي في الضلام شاعر جرئ
نوّر كلامه الليل ووراني الطريق
كان شعره طاير في الهوا زي الحمام
زي العيون السهرانين خلف الإمام
تستنى وقت الفجر وترد الأدان
زي القلوب مشتاقة للبيت الحرام
زي المياه مترقرقة للعطشانين
تروي الجميع ويباتوا ليها مشتاقين
كان شعره ماشي في الهوا غيمة حنين
ييجي الشتا تروي بمطرها المحرومين
كان شيخ طريقة الشعر .. بيصحّي البلد
قابلت ضيه في الطريق ... قلبي اتولد
بيلف شعره في الدروب عمّال يقول
"يا أهل الأمانة والندى والشوق" مدد
غرقان ف بحر الضي والشوق البرئ
نداكوا قبلي في الضلام شاعر جرئ
نوّر كلامه الليل ووراني الطريق
كان شعره طاير في الهوا زي الحمام
زي العيون السهرانين خلف الإمام
تستنى وقت الفجر وترد الأدان
زي القلوب مشتاقة للبيت الحرام
زي المياه مترقرقة للعطشانين
تروي الجميع ويباتوا ليها مشتاقين
كان شعره ماشي في الهوا غيمة حنين
ييجي الشتا تروي بمطرها المحرومين
كان شيخ طريقة الشعر .. بيصحّي البلد
قابلت ضيه في الطريق ... قلبي اتولد
بيلف شعره في الدروب عمّال يقول
"يا أهل الأمانة والندى والشوق" مدد
..
أحمد الحضري
2003
14 التعليقات:
الحلم اجمل كتير ياأحمد
معلش ده رأيي ممكن أكون غلطان
تحياتى ومحبتى لعمنا فؤاد حداد
وتحياتى ليك
القصيدة حقيقي جميلة بس أنا مش مع النوع ده من الشعر
المونة جميلة أنا أول مرة أزورها
شكلها جميل وألوانها حلوة
أبو أحمد : أعتز دائما بمن يقولون رأيهم بصراحة ...أنا مدرك طبعا الفرق بين القصيدتين ... حقا أسعدني مرورك .. تحياتي
ميس فاطمة : أسعدني أن مررتِ بالمدونة .. . أتمنى أن أعرف رأيك في بعض ما بها من كتابات .. تحياتي
جيت هنا كتيييير بس
حقيقي قصيدة جميلة من شاعر احساسه عالى لشاعر احساسه عالى
حقيقي يا أحمد
قمت ارتقيت فوق السما
ندِّيت فؤادي بالحروف
حقيقي انك
غرقان ف بحر الضي والشوق البرئ
صورك رائعة يا أحمد حية وبريئة وكانها الحياة الي بنتمناها
زي العيون السهرانين خلف الإمام
تستنى وقت الفجر وترد الأدان
زي القلوب مشتاقة للبيت الحرام
زي المياه مترقرقة للعطشانين
تروي الجميع ويباتوا ليها مشتاقين
الله عليك وعليه
كان شيخ طريقة الشعر .. بيصحّي البلد
قابلت ضيه في الطريق ... قلبي اتولد
تحياتى يا أحمد
صور القصيدة جميلة قوى وحقيقي بريئة جدا
تحياتى الممتنة
انت فين؟
في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:
ارجو من كل من يقراء هذا ان يزور ( مقالات ثقافة الهزيمة) فى هذا الرابط:
http://www.ouregypt.us/culture/main.html
فففف
انت فين بقي
يوووووو
لسه فاكر أول مرة لما سمعتها منك يا حضرى .. متهيألى فى ندوة مغاميرية بمكتبة مبارك ، حضرها الشاعر جمال بخيت .. قلت وقتها: الله..
الشاعر الرقيق / أحمد الحضر
كل سنة وأنت طيب
وبألف خير
قصيدتك جميلة
تحياتي
كان نفسي الاقي تدوينة جديدة فى مدونتك النهاردة يا أحمد
كنت محتاجة ده
خبر تتعوض ان شاء الله
تحياتى
الأخوة الأعزاء .. أشكركم جميعا على المرور وعلى الاهتمام ...أرجو أن تعذروني على التأخر في الرد وفي التحديث ...
تمنياتي لكم بالتوفيق والسعادة ...
إرسال تعليق